Келгуси 3 йилда ижтимоий инфратузилмани ривожлантиришга қарийб 77 трлн сўм ажратилади

Президент қарори билан 2022−2024 йилларда Ўзбекистоннинг ижтимоий ва ишлаб чиқариш инфратузилмасини ривожлантириш дастури қабул қилинди. Уни амалга оширишга эса жами 76,8 трлн сўм, шу жумладан, 2022 йилда — 23,8 трлн сўм ажратилади. Жорий йилда энг кўп маблағ ижтимоий соҳалар (5,9 трлн сўм), мудофаа органлари ва ёпиқ қисм (4,5 трлн сўм), муҳим объектларни қуриш (3,9 трлн сўм), йўл-транспорт инфратузилмасига (2,7 трлн сўм) йўналтирилади.